суббота, 19 ноября 2011 г.


Молитвы о путешествующих

Тропарь, глас 2-й
Путь и истина сый, Христе, спутника Ангела Твоего рабом Твоим ныне, якоже Товии иногда, nocли сохраняюща, и невредимых, к славе Твоей, от всякаго зла во всяком благополучии соблюдающа, молитвами Богородицы, Едине Человеколюбче.

Кондак 4, глас 2-й
Луце и Клеопе во Еммаус спутешествовавый, Спасе, сшествуй и ныне рабом Твоим, путешествовати хотящим, от всякого избавляя их злаго обстояния: вся бо Ты, яко Человеколюбец, можеши хотяй.

Молитва
Господи Иисусе Христе Боже наш, истинный и живый путю, состранствовати мнимому Твоему отцу Иосифу и Пречистей Ти Деве Матери во Египет изволивый, и Луце и Клеопе во Еммаус спутешествовавый! И ныне смиренно молим Тя, Владыко Пресвятый, и рабом Твоим сим Твоею благодатию спутешествуй. И якоже рабу Твоему Товии, Ангела хранителя и наставника посли, сохраняюща и избавляюща их от всякаго злаго обстояния видимых и невидимых врагов, и ко исполнению заповедей Твоих наставляюща, мирно же и благополучно и здраво препровождающа, и паки цело и безмятежно возвращающа; и даждь им все благое свое намерение ко благоугождению Твоему благополучно в славу Твою исполнити. Твое бо есть, еже миловати и спасати нас, и Тебе славу возсылаем со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков. Аминь.

Молитва ко Пресвятой Богородице от человека, в путь шествовати хотящего
О Пресвятая Владычице моя, Дево Богородице, Одигитрие, покровительнице и упование спасения моего! Се в путь, мне предлежащий, ныне хощу отлучитися и на время сие вручаю Тебе, премилосердой Матери моей, душу и тело мое, вся умныя моя и вещественныя силы, всего себе вверяя в крепкое Твое смотрение и всесильную Твою помощь. О благая спутнице и защитнице моя! Усердно молю Тя, да не ползок путь мой сей будет, руководствуй мя на нем, и направи его, Всесвятая Одигитрие, якоже Сама веси, ко славе Сына Твоего, Господа моего Иисуса Христа, буди ми во всем помощнице, наипаче же в сем дальнем и многотрудном путешествии соблюди мя под державным покровом Твоим от всяких находящих бед и скорбей, от враг видимых и невидимых, и моли о мне, Госпоже моя, Сына Твоего Христа Бога нашего, да послет в помощь мне Ангела Своего мирна, верна наставника и хранителя, да якоже древле даровал есть рабу Своему Товии Рафаила, на всяком месте и во всякое время хранивша его в пути от всякаго зла: тако и мой путь благополучно управив и сохранив мя небесною силою, – здрава да возвратит мя, мирна и всецела к жилищу моему во славу имени Своего Святаго, славяща и благословяща Его во вся дни живота моего и Тебе величающа ныне и присно, и во веки веков. Аминь.

Молитва перед воздушным путешествием
Владыко Господи Иисусе Христе, Боже наш, стихиям повелеваяй и вся горстию содержай, Егоже бездны трепещут и Емуже звезды присутстуют. Вся тварь Тебе служит, вся послушают, вся Тебе повинуются.Вся можеши: сего ради вся милуеши, Преблагий Господи. Тако и ныне убо, Владыко, рабов Твоих сих (имя рек) моления теплыя приемля, благослови путь их и воздушное шествие, запрещаябурям же и ветром противным и лодию воздушную целу и невредиму соблюдая. Спасительное и небурное по воздуху превождение им даруй и благое намерение совершившим им, весело во здравии и в мире возвратитися благоизволи. Ты бо еси Спас и Избавитель, и всех благих небесных и земных Податель, и Тебе славу возсылаем со Безначальным Твоим Отцем и Пресвятым Духом, ныне и присно и во веки веков. Аминь.

5 комментариев:

  1. Здравствуйте, меня зовут Сергей. Предлагаю прозвон клиентской базы храмов и монастырей, епархий по России

    Цель найти заинтересованных клиентов и передать контакты заказчику. Основная сфера деятельности - поддержание клиентской базы и поиск новых клиентов. Оплата моего труда возможна вашей продукцией.

    Если вам требуется написание статей для сайтов, в письме расскажите:

    • где вы будете размещать тексты - у себя на сайте, на чужих сайтах или на сайте, которого еще нет
    • какова цель написания текста - для увеличения продаж (рекламный копирайтинг) или для оптимизации под поисковики (SEO-копирайтинг)
    • написание статьи на заказ для своего сайта подразумевает составление семантического ядра. У вас есть список ключевых слов? Я могу составить его самостоятельно - тариф немного отличается.
    • укажите ссылку на свой сайт либо на сайты, где будут размещаться статьи.
    Тел. 8-920-596-58-52

    ОтветитьУдалить
  2. Уважаемый Сергей. Зачем же вы у меня текст своего предложения стырили? Был здесь - http://pr-copywriting.com/order.html , пришлось переписать :) Грустно

    ОтветитьУдалить
  3. Этот комментарий был удален администратором блога.

    ОтветитьУдалить
  4. Да,религия. Мы и не отрицаем, что это религия. Поэтому извините, Дмитрий, Ваша ссылка удалена, она не о православии.

    ОтветитьУдалить
  5. Занимљив текст. Аутор сајтова о Хиландару http://www.hilandar.info и везама Свете земље и Хиландара http://www.svetazemlja.info.

    ОтветитьУдалить